Xallas Cup 2026 · 10ª Edición

Non se conta un torneo.
Vívese.

8 capítulos que resumen un día moi intenso, onde máis de 200 nenos e nenas e as súas familias formaron parte do encontro de fútbol base no Fontenla. Un día de convivencia, deporte e emoción que xa forma parte da historia do Xallas FC. Moito fútbol — e fútbol do bo — aquela tarde no Fontenla.

Capítulo 01

Cando a tempada non quería rematar

Cando rematan as competicións oficiais, o fútbol base non acaba. Os nenos e nenas seguen tendo ganas de poñerse as botas, compartir vestuario cos seus compañeiros e vivir novos partidos.

Así nace a Xallas Cup: como unha xornada para prolongar a ilusión dunha tempada chea de aprendizaxe, convivencia e deporte. Un día para seguir facendo o que máis lles gusta: xogar ao fútbol.

Ao longo dunha intensa xornada, 21 equipos da contorna e centos de familias converteron Fontenla nun punto de encontro onde o máis importante non foi o resultado, senón a experiencia compartida.

"Non queríamos despedir a tempada. Queríamos celebrala :)"— Organización Xallas Cup

Capítulo 02

O torneo en cifras

10ª

Edición

+200

Nenos e nenas participantes

Equipos participantes

Partidos disputados

Persoas voluntarias

…e 1 día moi intenso.

Capítulo 03

Os protagonistas

Cada torneo constrúese arredor dos seus protagonistas. Na Xallas Cup 2026 reuníronse 21 equipos da contorna, cada un coa súa historia, as súas cores e a súa maneira de entender o fútbol.

Durante un día, todos compartiron un mesmo escenario: o Fontenla.

"Grazas por formar parte desta edición."

Capítulo 04

O fútbol en estado puro

Durante toda a xornada, o Fontenla encheuse de partidos, goles, carreiras e moitas emocións. Houbo celebracións, remontadas, paradas imposibles e tamén derrotas das que aprender.

Porque no fútbol base cada encontro é unha oportunidade para medrar, compartir e seguir desfrutando do deporte que máis lles gusta.

"O mellor resultado sempre foi volver á casa con gañas de repetir."

1965Desde

A CoruñaSanta Comba

O noso campoFontenla

#OrgulloXalleiro

Xeración tras
xeración.

Máis ca
un club.

O fútbol
que nos une.

Medrar
xogando.

Canteira

Formación

Respecto

Compromiso

Ilusión

Familia

Aquí
comeza todo.

Onde nacen
os soños.

+250Licenzas

16Equipos

Fútbol
da Costa.

Vamos
Xallas!

Capítulo 05

O ambiente en Fontenla

A Xallas Cup non se viviu só nos partidos. Tamén estivo nas conversas entre familias, nos nenos e nenas xogando mentres agardaban o seu turno, nos momentos de descanso compartidos á beira do campo e no traballo silencioso de todas as persoas que fixeron posible a xornada. Porque os mellores recordos dun torneo non sempre nacen co balón en xogo.

Moito máis que fútbol.

Capítulo 06

Celebrar

Todo torneo merece un final á altura. A entrega de medallas e trofeos puxo o broche a unha xornada intensa de fútbol, pero tamén de convivencia, respecto e ilusión. Durante uns minutos, o máis importante deixou de ser o resultado para dar paso ás fotografías, aos aplausos e aos recordos que cada equipo levou de volta para casa.

"O mellor premio é que os nenos e nenas rematen o día coa mesma ilusión coa que chegaron pola mañá."— Organización Xallas Cup

Capítulo 07

A organización

O que acontece durante unha xornada é só a parte visible. Detrás da Xallas Cup hai semanas de planificación, coordinación e centos de pequenas decisións para que todo funcione con naturalidade e eficiencia. Ter un bó equipo de traballo é fundamental para que todo saia o mellor posible, e diso, o Xallas FC pode presumir.

Grazas Equipo.

Documento adxunto

Planificación

Páxina 1 de 10

Capítulo 08

Grazas

A cada xogador e xogadora que deixou todo no campo. A cada familia que madrugou para estar alí. A cada voluntario que arrima o lombo e fai que todo isto sexa posible. E a cada patrocinador e institución que cree neste proxecto do Xallas FC e o fai medrar tempada tras tempada.

Vémonos na próxima edición!

Grazas mil!

Coñece quén fai posible este proxecto →

Non se conta un torneo.Vívese.