Logros 25/26 · Xallas Fútbol Club

Solidario

Torneo Solidario de Mamás

Fútbol, familia e compromiso

O Campo da Fontenla foi moito máis ca un campo de fútbol: un lugar para compartir, convivir e apoiar unha causa que nace do corazón. As mamás foron as protagonistas dunha xornada solidaria que uniu deporte, familia e compromiso, aberta a familias, amigos e veciños, xogasen ou non no club.

Parte do recadado destinouse á asociación Unha Amiga, Unha Aperta, de Santa Comba. Porque hai momentos nos que non fan falta palabras, só estar, acompañar... e ofrecer unha aperta cando máis se necesita.

Foi moito máis ca fútbol. Foi comunidade. Foi unión. Foi estar cando importa.

Isto é unha selección Ver todo o álbum do torneo — fotos e vídeos →

Xallas FC

Ascenso

Ascenso a Primeira Futgal

Hai tres anos o Xallas FC tomou unha das decisións máis difíciles da súa historia. Por responsabilidade e para garantir o futuro do club, o primeiro equipo descendeu voluntariamente a Terceira Futgal. Era un paso atrás necesario para construír un proxecto sólido.

A aposta foi clara: confiar na xente da casa. Nos rapaces formados na nosa canteira, nos xogadores que medraron defendendo este escudo e nos adestradores que creron nun proxecto a longo prazo.

Tres tempadas despois, aquel camiño devolveunos onde queriamos estar. Dous ascensos levaron de novo ao Xallas FC ata a Primeira Futgal, demostrando que a paciencia, o traballo e o sentimento de pertenza tamén gañan partidos.

Este logro pertence a todos os que nunca deixaron de crer: xogadores, corpo técnico, directiva, afección e familias. Grazas por facer realidade un proxecto que xa forma parte da historia do Xallas FC.

Porque ás veces, para chegar máis lonxe... hai que dar un paso atrás para coller impulso.

Fotografía: Kaatya — fotógrafa oficial da xornada

Isto é unha selección Ver todo o reportaxe completo — fotos e vídeos do partido →

Xallas Fem

Campionas da Copa da Costa

Hai equipos que gañan partidos. E hai equipos que constrúen unha identidade.

O Xallas FC Feminino volveu demostrar que o seu crecemento non é casualidade. Nunha tempada de consolidación na Primeira División Galega, o equipo pechou o curso levantando, unha vez máis, a Copa da Costa diante da súa afección en Fontenla.

Este título é o reflexo do traballo realizado durante anos, da confianza nun grupo comprometido e dunha aposta firme polo fútbol feminino. Un equipo que segue facendo historia e que continúa inspirando ás futuras xeracións de xogadoras de Santa Comba e a súa contorna.

"Non foi unha Copa máis. Foi a confirmación dun proxecto."

Logro 03 · Alevíns

A dinastía alevín

Seis tempadas. Seis Liga. Seis Copa. O equipo alevín do Xallas FC completou seis anos consecutivos gañando os dous títulos en xogo, unha marca que fala por si soa dunha xeración de canteira irrepetible.

Máis alá dos títulos, o que máis enche de orgullo ao club é ver como estes nenos e nenas medraron xuntos, ano tras ano, sen perder nunca as ganas de xogar.

6 Anos consecutivos, Liga e Copa